Der Friehling in Dheise gann gumm 

De Dheiser woarn ja widder rechd jedäsche, ums Dorf scheen ze machn. Ze erschd hamm se de Osdergrone fors Dorf geflochden, unn zesamm jefriemeld. Unn denn hamm de Gindersch se scheen jeschmiggd unn na was ran jegnäberd.

Bei uns gibbds joa noch den Friehjahsbudz unn doa hammse nich bloß jehargd unn Dregg  wegjereimd. Ne alles ahle Jescherbel was so rumjeläng had goam oh glei midd uffn Schudd. Zum Schluss gobs widder von de Berchemeesdern was Schnärbliches zwischen de Gauleisden. Oh flissiches goabs foarn Schlund.

Unn joa, de Grone iss widder scheen jeworn. Was oh sunnsd! Was de Dheiser enmoal anfang werd oh, doa wern se diggdremisch. Doa zeing  se was se genn. 

Scheen wärs joa, wenn no mehr aus de Hifde gäm und midmachen däden. Was hädde de Mergelsche jesohd: Mer schaffen das und jemeinsam sinn mer starg!

So das woars widder von de
ahle Debbern

Text: toeschwa
Fotos: toeschwa, ml, sl