NEIES AUS DHEISE

Ach du meine Fresse, goam mich doch heide de Erleichdung.

Ich sidze so in mein Gärdchen unn gaue an een Änbel rum, wo der Boom vunn de ehemalichen Gudsherrschafden jeflanzd woar. Ehrlich, jeschmeggd hadder grauslich. Doa fiels mir denn bein  Griebsch anjegumm, wie Schubben vunn de Oong.

Dheise hat 2027 sein 825-sden Jeburdsdag.

Do hamm enn boor aus‘m Dorf jedachd, do missmer was machen unn jedäsche wern. Unn gloobds oder nich, mer sinn nich mehr ze bremsen, los gehds. Mir gäm‘s Ledzde, um doa richdich de Sau raus ze lassen. Mir wern an Schniedelfezches vor der ganze Hoobe denken, unn oh schwoofen werder genn. Das Jungvolg werd oh uff seine Gosten gumm.

Vum 3. bis 5. Sebdember im 2027 – sden Joahr wern mir uffdrehn, schreibds schunn moa in eiren Galender. Ihr gennd jedzd schunn hibblich sinn, unn eich uff de Fesdiwidäd frein.

Jedzd missder dran bleim, denn bahle geds los.

So das woars widder von de

ahle Debbern

Text + Fotos: toeschwa